"Barselona" bosh murabbiyi Xavining aytishicha, uning jamoasi kelasi shanba kuni, La Liganing 31-turi "Kadis" bilan bo'lib o'tadigan o'yin haqida o'ylaydi.

"Bu dam olish kunlari biz Chempionlar ligasi haqidagi fikrlarimizni chetga surib, La Liga haqida o'ylashimiz kerak", - deya Xavining so'zlarini keltiradi "Barselona" matbuot xizmati.

Chempionlar ligasining 2023/2024 yilgi mavsumi 1/4 final bosqichida "Barselona" "PSJ" bilan o'ynayapti. Jamoalar o'rtasidagi birinchi o'yin 3:2 hisobida Xavi shogirdlarining g'alabasi bilan yakunlangan edi. Javob o'yini 16 aprel, seshanba kuni bo'lib o'tadi.