Kataloniyaning "Barselona" klubi yarim himoyachisi Pedri Chempionlar ligasining chorak finalida "PSJ"ga qarshi javob o'yinida jamoasining asosiy tarkibida maydonga tushishini tasdiqladi.

Birinchi o'yin 3:2 hisobida "ko'k-anorranglilar"ning mehmondagi g'alabasi bilan yakunlangan.

Pedri bu o'yinda zaxiradan maydonga tushdi va golli uzatmani amalga oshirdi.

"Ha, men asosiy tarkibda maydonga tushaman. Maydonda bor kuchimni beraman, lekin agar o'zimni o'yinni davom ettira olmasligimni his qilsam, o'rnimga boshqa futbolchini so'rayman", - dedi Pedri matbuot anjumanida.