"Valensiya" yarim himoyachisi Pepelu faoliyatini boshqa ispan klubida davom ettirishi mumkin. Marca portali xabariga ko'ra, yarim himoyachi xizmatlariga "Barselona" qiziqish bildirmoqda.

"Blaugrana" bosh murabbiyi Xavi Ernandes bu futbolchini keyingi mavsumda o'z jamoasida ko'rishni istaydi. Pepeluning transfer narxi 16 million evroga baholanmoqda. Uning "ko'rshapalaklar" bilan shartnomasi 2028 yilning yoziga qadar mo'ljallangan.

Ispaniya chempionatining joriy mavsumida 25 yoshli yarim himoyachi 32 ta o'yinda maydonga tushib, beshta gol va bitta golli uzatmaga mualliflik qildi.