«Barselona» «Atletiko»dan hujumchi Joau Feliksni sotib olish rejasidan qaytgani yo'q.

Portugaliyalik futbolchi joriy mavsumni «ko'k-anorranglilar» safida ijara asosida o'tkazmoqda. Yozda futbolchi «matraschilar»ga qaytadi, ammo u endi Diego Simeone jamoasida o'ynashni rejalashtirmagan ko'rinadi.

Jurnalist Matteo Morettoning so'zlariga ko'ra, «Barselona» hali ham 24 yoshli forvardni sotib olishdan manfaatdor, biroq futbolchining kelajagi noma'lumligicha qolmoqda – kataloniyalik gigant uchun «Atletiko» bilan shartnoma shartlarini kelishib olish oson bo'lmaydi.