Matbuotda Tiago Motta o'z xizmatlarini "Barselona"ga taklif qilgani haqida ma'lumot paydo bo'ldi. Avvalroq Kataloniya klubi joriy mavsum yakunida Xavidan ajralishi mumkinligi haqida xabar berilgandi.

Yosh murabbiyning matbuot kotibi Alessandro Kanovi "Barselona" bilan har qanday aloqani rad etdi. Shu bilan birga, Kanovi o'zini klublarga taklif qilish Mottaning uslubiga to'g'ri kelmasligini ta'kidladi.

Ayni damda murabbiy bor e'tiborini "Bolonya" bilan mavsumni yakunlashga qaratgan.