“Barselona” bosh murabbiyi Xavi evrokuboklardagi ikkita o'yinga diskvalifikatsiya qilindi, deb xabar beradi AS.

Mutaxassis Chempionlar ligasi 1/4 finalining "PSJ" bilan javob uchrashuvida (1:4) qizil kartochka oldi. Xavi yana bosh hakam Ishtvan Kovachning qaroridan noroziligini emotsional tarzda bildirdi.

Qayd etilishicha, hakam bilan kelishmovchiliklar tufayli kataloniyaliklar himoyachisi Serxi Roberto ham ikki o'yinga diskvalifikatsiya qilingan. 32 yoshli ispaniyalik sariq kartochkalar ko'pligi tufayli parijliklar bilan o'yinni o'tkazib yubordi, ammo shunga qaramay maydonga chiqib ketib, hakamga nisbatan behayo so'zlarni ishlatdi.

Bundan tashqari, Kataloniya klubi o'yin vaqtida muxlislarning nomaqbul xatti-harakatlari tufayli 60 ming evro jarimaga tortildi.