"Barselona" Xavi Ernandes bilan shartnoma muddati tugashiga bir yil qolganda hamkorlikni tugatishga qaror qildi. Ispaniyalik murabbiyning ishdan bo'shatilishi o'tgan haftada e'lon qilingan edi.

Xavi "Barselona" bilan shartnomasi oxirigacha olishi kerak bo'lgan maoshidan voz kechishga tayyor, deya xabar beradi jurnalist Xavi Migel, murabbiy esa o'z xodimlarining maoshlarini to'liq to'lashni talab qilmoqda. Gap 3 million evrodan oshmaydigan summa haqida ketmoqda.

Kataloniya grandi boshqaruvidagi Xavi Ernandes o'rniga Xans-Diter Flik kelishi kerak. Nemis mutaxassisining tayinlanishi yaqin kunlarda rasman e'lon qilinishi kutilmoqda.