Yarim himoyachi Frenki de Yongning "Barselona" bilan amaldagi shartnomasi 2026 yilning o'rtalariga qadar tuzilgan. Ushbu kelishuvga ko'ra, niderlandiyalik futbolchi 44 million evro ishlab olishi mumkin - 2024/2025 yilgi mavsumda 24 million, 2025/2026 yilgi mavsumda esa 20 million.

Marca xabariga ko'ra, "Barselona" De Yongga maoshini oshirmagan holda uzoqroq shartnoma taklif qilgan. 27 yoshli futbolchi hozircha javob qaytargani yo'q.

Aytish joizki, so'nggi paytlarda Frenki de Yongga "Bavariya" qiziqayotgani haqida xabarlar tarqalgandi. Xans-Diter Flik esa Frenkining qolishini istamoqda.