“Inter Mayami” hujumchisi Lionel Messi faoliyatini qaysi klubda yakunlashini aytdi.

"Ha, "Inter Mayami" mening so'nggi klubim bo'ladi. Bugun bu haqiqat. Men har bir o'yindan zavq olaman, chunki ularning soni tobora kamayib borayotganini tushunaman", - dedi Messi ESPN bilan suhbatda.

36 yoshli Messi 2023 yilning yozida erkin agent sifatida Amerika klubiga o'tgan edi. Argentinalik futbolchi “PSJ” bilan shartnomasini uzaytirmadi va “Inter Mayami”ga tekinga o'tdi. Joriy mavsumda hujumchi jamoa safida barcha turnirlarda 15 ta o'yin o'tkazib, 14 ta gol urdi va 11 ta golli uzatmani amalga oshirdi.