Kataloniyaning "Barselona" klubi jamoaning vingeri Rafinya Diazni sotmoqchi. Bu haqda jurnalist Ekrem Konur xabar bermoqda. Manbaga ko'ra, klub 27 yoshli braziliyalik uchun har qanday taklifni tinglashga tayyor.

Shu bilan birga, Rafinyaning o'zi ham jamoada qolishni xohlayotgani aytilmoqda. Qanot hujumchisi 2022 yildan beri "Barselona"da o'ynab kelmoqda.

So'nggi mavsumda futbolchi barcha musobaqalarda 37 ta o'yinda maydonga tushib, 10 ta gol urdi va 13 ta golli uzatmani amalga oshirdi.