"Barselona" "Leyptsig"ning hujumkor yarim himoyachisi Dani Olmoni sotib olishni yakunlashi uchun jamoaning yuqori baholi futbolchilarini sotishi kerak, biroq Kataloniya klubining asosiy o'yinchilaridan hech biri klubni tark etish niyatida emas. Bu haqda Football Espana nashri xabar bermoqda.

Manbaga ko'ra, "Barselona"ning moliyaviy ahvoli katta ehtimol bilan Bilbaoning "Atletik" klubi vingeri Niko Uilyamsni sotib olishga imkon beradi, agar "ko'k-anorranglilar" La Liganing 1:1 moliyaviy qoidalariga qaytsa.

Biroq Olmoning transferi hozirgi tarkib futbolchilari sotilsagina amalga oshadi. Ta'kidlanishicha, Ronald Arauxo, Frenki de Yong va Rafinyalar shunday futbolchilar sanaladi, biroq ularning hech biri Kataloniya klubidan ketishni istamaydi.