Kataloniyaning "Barselona" klubi hujumchisi Robert Levandovski Xans-Diter Flik qo'l ostida ishlayotganidan juda xursand.

Eslatib o'tamiz, polshalik hujumchi avvalroq Myunxenning "Bavariya" tarkibida germaniyalik murabbiy qo'l ostida o'ynagan.

"Men yana Flik qo'l ostida ishlayotganimdan juda mamnunman. Haqiqatan ham biz mavsumni yaxshi o'tkazishimizga va qo'limizda kubok bilan yakunlashimizga ishonaman" - dedi Levandovski "Milan" bilan o'rtoqlik uchrashuvidan keyin bergan intervyusida.

Kecha o'rtoqlik o'yinida Levandovski "Milan"ga qarshi o'yinda dubl qayd etdi. Uchrashuv 2:2 hisobidagi durang bilan yakunlandi. Levandovski "Barselona"da 2022 yilning yozida "Bavariya"dan ko'chib o'tganidan beri o'ynamoqda.