"Atletiko Madrid" hujumchisi Joau Feliks "Chelsi"ga o'tish uchun maoshini sezilarli darajada kamaytirishga tayyor.

The Telegraph nashri xabariga ko'ra, klublar o'rtasidagi muzokaralar hali ham davom etmoqda, tomonlar transfer summasi bo'yicha kelishuvga erishmagan.

Ta'kidlanishicha, London klubi Feliks bilan faqat o'z shartlari asosida mehnat shartnomasi tuzishga tayyor.

Feliks o'tgan mavsumni "Barselona"da ijara asosida o'tkazgan va u 44 o'yinda 10 ta gol va 6 ta golli uzatmani amalga oshirgan.