Yarim himoyachi Ilkay Gyundogan tez orada "Barselona"ni tark etadi. Nemis futbolchisi "Manchester Siti"ga qaytish arafasida turibdi.

Yarim himoyachi "shaharliklar"ga tekinga o'tadi, chunki uning "Barselona" bilan shartnomasi bekor qilinadi. Jurnalist Santi Ovallega ko'ra, Gyundoganning ketishi faqat iqtisodiy sabablar bilan izohlanadi.

Agar klub moliyaviy jihatdan qiynalmaganida Ilkay Xans-Diter Flik tizimidagi asosiy o'yinchiga aylangan bo'lardi. Gyundogan bilan xayrlashish "Barselona"ga yaqinda "RB Leyptsig"dan 55 million evroga sotib olingan yangi futbolchi Dani Olmoni bonuslarni hisobga olmaganda ro'yxatdan o'tkazish imkonini berishi kutilmoqda.