"Yuventus" hujumchisi Federiko Keza "Barselona" bilan shaxsiy shartnoma borasida kelishuvga erishdi. Italiyalik futbolchi "Yuve" bosh murabbiyi Tiagu Mottaning rejalaridan o'rin olmagani uchun u jamoa mashg'ulotlaridan chetlatildi. Federiko "Roma" va "Napoli"ga o'tishni istamadi. Boisi, u chempionlar ligasida ishtirok etadigan jamoa safiga o'tishni xohlamoqda. Futbolchi "Barselona"ga o'tish uchun maoshining kamayishiga rozi bo'ldi. U "Yuventus" safida yiliga 7 million evro maosh olayotgandi. U Kataloniyaga ko'chib o'tsa, 4,5 million maosh ola boshlaydi. Keza "Barsa" bilan 3 yillik shartnoma imzolaydi. Transfer borasida klublar o'zaro kelishib olishlari kerak. "Barselona" Keza uchun 14 million evrodan ortiq pul to'lamoqchi emas.