"Barselona" yarim himoyachisi Pablo Torre bosh murabbiy Xans-Diter Flikning faoliyati haqida o'z fikrlari bilan o'rtoqlashdi.

Nemis bosh murabbiyi joriy mavsum boshlanishidan avvalroq ishdan bo'shatilgan Xavi Ernandes o'rniga "blaugrana"ni qabul qilib olgandi.

"Flik tashqi tomondan juda jiddiydek tuyulishi mumkin, lekin aslida unday emas. U barcha futbolchilarga iliq munosabatda bo'ladi. Murabbiy bilan munosabatlarimiz juda sog'lom, uni hurmat qilishadi, bu esa maydonda namoyon bo'ladi", - deya Torre so'zlarini keltirgan ispan OAV.