«Barselona» vingeri Lamin Yamal jamoaning navbatdagi o'yinda ishtirok etadigan tarkibiga kiritiladi.

17 yoshli futbolchi jarohatidan forig' bo'lib, jamoaga qaytishga tayyor. «Diario Sport» xabariga ko'ra, «Barselona» Yamalni 30 noyabr kuni bo'lib o'tadigan «Las-Palmas»ga qarshi o'yin uchun qaydnomaga kiritadi. Shuningdek, ro'yxatda jarohati tufayli bir oydan ortiq maydonga tushmagan Ferran Torres ham joy oladi.

Lamin Yamal to'pig'idan olgan jarohati tufayli «Blaugrana»ning so'nggi uchta o'yinini o'tkazib yubordi.