"Barselona" Frenki de Yongni qanchaga sotishga tayyorligi ma'lum bo'ldi.

Niderlandiyalik futbolchining yuqori maoshi va tez-tez jarohat olishi sabab, kelasi yozda ketish uchun asosiy nomzodlardan biri sanaladi. Bir necha bor xabar qilinganidek, yarim himoyachi Kataloniya klubining shartnomani uzaytirish taklifiga javob bermayapti, bu esa erta sotilishiga hissa qo'shishi mumkin. Catalunya Radio'ning yangilangan ma'lumotlariga ko'ra, "blaugrana" futbolchini atigi 20 million evro evaziga qo'yib yuborishga tayyor.

2019 yilda "Barselona" Frenki de Yongni "Ayaks"dan 86 million evroga sotib oldi. Futbolchining La Liga giganti bilan amaldagi shartnomasi 2026 yilning o'rtalariga qadar tuzilgan.