"Barselona" vingeri Rafinya Dias faoliyatidagi eng sermahsul mavsumini o'tkazmoqda.

27 yoshli futbolchi bu mavsumda 90 daqiqada o'rtacha 1,5 ta samarali harakat amalga oshirdi, bu Evropaning top-5 ligalaridagi ikkinchi eng yuqori ko'rsatkichdir, deya xabar beradi Barca Universal. Reytingda faqat "Bavariya" futbolchisi Harri Keyn 90 daqiqada 1,53 gol va golli uzatma bilan yuqoriroqda joylashgan. Uchinchi o'rinni Frankfurtning "Ayntraxt" klubidan Omar Marmush (1,47), to'rtinchi o'rinni mos ravishda "Liverpul" va "Barselona"dan Muhammad Saloh va Robert Levandovski bo'lishdi - har biri 1,2.

Rafinya Dias Xans-Diter Flik jamoasi safida 21 uchrashuvda 16 ta gol urdi va 10 ta golli uzatmani amalga oshirdi.