"Barselona" mavsum boshida jamoaga kelib qo'shilgan yarim himoyachi Dani Olmoni ro'yxatdan o'tkazish uchun zarur bo'lgan qo'shimcha mablag' yig'ish ustida faol ishlamoqda.

Klubda bu muammoni hal qilish uchun vaqt cheklangan. La Liga qoidalariga ko'ra, klub 31 dekabrga qadar barcha o'yinchilarni yangi yilda o'yinlarda maydonga tushishi uchun ro'yxatdan o'tkazishi kerak.

Olmoning ro'yxatdan o'tishini ta'minlash uchun "Barselona" bir nechta variantni ko'rib chiqmoqda. Ulardan biri Nike bilan homiylik shartnomasini muddatidan oldin bekor qilishdir. Klub 21 dekabr kuni ushbu masala bo'yicha ovoz berishni rejalashtirgan.