Todofichajes xabariga ko'ra, "Milan" "Barselona" hujumchisi Ferran Torres xizmatlariga qiziqish bildirmoqda.

Italiya klubi futbolchini sotib olish opsiyasi bilan ijaraga olishga tayyor. Kataloniyaliklar futbolchini kamida 30 million evroga sotmoqchi.

Xabar qilinishicha, ispaniyalik futbolchi Kataloniyada baxtli, biroq o'yin vaqti kamligi tufayli klubini almashtirish haqida o'ylashi mumkin. Ferran Torresni "Sevilya" va "Atletiko Madrid" ham kuzatib bormoqda.

Ferran Torres joriy mavsumda "Barselona" safida 14 ta o'yin o'tkazdi. Ularda beshta gol urdi va ikkita golli uzatmani amalga oshirdi.