"Barselona"ning sobiq yarim himoyachisi Ivan Rakitich jamoaning Chempionlar ligasidagi so'nggi g'alabasini esladi.

Kataloniya grandi finalda "Yuventus"ni mag'lub etib, 2014/15 yilgi mavsumda eng nufuzli Evrokubokni qo'lga kiritgandi.

"O'ylaymanki, o'shanda biz tarixdagi eng yaxshi Chempionlar ligasi mavsumini o'tkazgandik. Biz Frantsiya, Angliya va Germaniya chempionlarini mag'lubiyatga uchratdik, finalda esa Italiya chempionlarini mag'lub etdik," - dedi hozirda 36 yoshida vatanida "Xayduk" klubi sharafini himoya qilayotgan Rakitich.