"Barselona" yanvarda 1:1 qoidasiga erishish uchun 60 million evro topishi kerak. Kataloniya klubi bu masala hal bo'lsa, yarim himoyachi Dani Olmoni 2024/2025 yilgi mavsumning ikkinchi qismiga ro'yxatdan o'tkazishi mumkin bo'ladi. Bu haqda Marca nashriga tayanib, Transfer News Live xabar bermoqda.

Hozirda Olmo mavsumning faqat birinchi qismi uchun ro'yxatdan o'tgan. Avvalroq matbuotda "Barselona" yarim himoyachini muvaffaqiyatli ro'yxatdan o'tkazish uchun himoyachi Andreas Kristensenni sotishi mumkinligi haqida yozgan edi.

"Barselona"ning navbatdagi o'yini 21 dekabr, shanba kuni Ispaniya chempionati doirasida "Atletiko"ga qarshi bo'ladi.