"Barselona" vingeri Rafinya Dias Dani Olmo va Pau Viktor bilan bog'liq vaziyat klubning potentsial xaridlariga ta'sir qiladimi, degan savolga javob berdi.

"Menimcha ha. Agar boshqacha javob bersam, yolg'on gapirgan bo'laman. Agar men boshqa klubda bo'lganimda va Olmo va Viktor qanday vaziyatda bo'lganini ko'rganimda, ehtimol, shunday klubga o'tishim kerakmi, deb o'ylagan bo'lardim", - dedi Rafinya Barca Universal bilan suhbatda.

Eslatib o'tamiz, avvalroq La Liga "Barselona"ga Olmo va Viktorni mavsumning ikkinchi qismida ro'yxatdan o'tkazishni rad etgan edi. 19 turdan keyin "ko'k-anorranglilar" Ispaniya chempionatida 38 ochko bilan uchinchi o'rinda bormoqda.