"Barselona" kelasi yozda o'z tarkibini sezilarli darajada kuchaytirishi mumkin.

Transfer News Live nashrining xabar berishicha, "Bavariya"ning ikki yulduz futbolchisi "Barselona"ga o'tishga rozi bo'ldi. Gap himoyachi/yarim himoyachi Joshua Kimmix va vinger Leroy Sane haqida ketmoqda.

29 yoshli Kimmix va Sane "Barselona"ga erkin agent sifatida qo'shilishi mumkin, chunki ularning Myunxendagi amaldagi shartnomalari yozda tugaydi.

Agar Joshua va Leroy "Barselona"ga o'tsa yana Xans-Diter Flik bilan yana uchrashadilar. Aytish joizki, "Barselona" hali ham moliyaviy qiyinchiliklarni boshdan kechirmoqda, shu bois erkin agent bozoriga o'ziga xos tarzda qaraydi.