"Barselona" kelajakda Mark-Andre ter Shtegenning o'rnini bosa oladigan ikki darvozabonni diqqat bilan kuzatib bormoqda.

El Nacional xabariga ko'ra, Kataloniya grandi darvozabonlik uchun "Portu"dan 25 yoshli Diogu Koshta va uning tengdoshi "Nitstsa"dan Martin Bulkani ko'rib chiqmoqda.

"Barsa" rahbariyati yaqin kelajakda darvozabon pozitsiyasi bo'yicha bir qarorga kelishi kutilmoqda, chunki Mark-Andre ter Shtegenning jiddiy jarohatini inobatga olgan holda jamoadagi bu rol kelajak uchun barqarorlikni talab qiladi.

Hozirda "Barselona"ning asosiy darvozaboni 25 yoshli Inyaki Penya bo'lib qolmoqda, u joriy mavsumda klub safida barcha turnirlarda 20ta o'yin o'tkazgan va oltita o'yinda darvozasi daxlsizligini saqlab qolgan.