"Barselona" bosh murabbiyi Xans-Diter Flik dunyoning eng yaxshi futbolchisi haqidagi savolga javob berdi. Chorshanba kuni Kataloniya grandi Ispaniya kubogi 1/8 finalida "Betis"ni 5:1 hisobida mag'lub etdi.

Uchrashuv yakunlanganidan so'ng "blaugrana" yarim himoyachisi Gavi Lamin Yamalni Lionel Messi bilan solishtirishdan ma'no ko'rmasligini, lekin uning 17 yoshli jamoadoshini ayni damda dunyoning eng yaxshi futbolchisi deb bilishini aytdi.

"Gavi juda hissiyotli yigit, lekin ha, shuni ham aytamanki, Lamin Messidan keyin dunyoning eng yaxshisi. Yamal to'g'ri yo'lda, biz unga g'amxo'rlik qilishimiz kerak. U juda yosh", dedi Flik.