"Barselona" vingeri Lamin Yamal EChL 1/8 finalida "PSJ" bilan bo'lishi mumkin bo'lgan uchrashuv haqida o'z fikrlari bilan o'rtoqlashdi.

"Biz turnir jadvalida 2-o'rinni egalladik, shuning uchun biz har qanday jamoaga qarshi favoritmiz. Qaysi jamoa bo'lishidan qat'i nazar, biz ularni shu erda kutamiz va biz g'alaba qozonamiz", dedi Yamal jurnalistlarga.

Bugun, 30 yanvar kuni Chempionlar ligasining umumiy bosqichi yakunlandi va “Barselona” ikkinchi o'rinni egalladi. Sakkiz turda “ko'k-anorranglilar” 19 ochko jamg'arib, peshqadamdan ikki ochko ortda qoldi.

Ta'kidlab o'tamiz, 1/8 finalda "Barselona" "PSJ", "Monako", "Benfika" yoki "Brest" bilan uchrashishi mumkin.