Pablo Torre ertaga "Barselona"dan "Malorka"ga o'tishni yakunlaydi.

Avvalroq, klublar 22 yoshli yarim himoyachining transferi bo'yicha muzokaralar olib borayotgani haqida xabarlar tarqalgan edi.

Diario Sport xabariga ko'ra, futbolchining "Malorka" bilan shartnomasi rasman shu dushanba kuni imzolanadi.

Ispaniyalik futbolchi tibbiy ko'rikdan o'tadi va uzoq muddatli shartnoma imzolaydi.

Qayd etilishicha, "Barsa" futbolchining 50 foizlik huquqi uchun 5 mln evro oladi. Shartnomada qolgan 50 foizni 25 mln evroga sotib olish imkoniyati ko'rsatilgan.

Qayd etilishicha, Torre La Ligada ko'proq o'yin amaliyotiga ega bo'lishni va loyihaning asosiy o'yinchisiga aylanishni istagani uchun transferni talab qilgan.