Klub sentyabr oyida "Kamp Nou"ga qaytishga umid bildirmoqda. "Mundo Deportivo" xabariga ko'ra, shahar kengashi stadionni litsenziyalash jarayoni boshlanishini ma'qullagan va maydonda vaqtinchalik chim o'rnatish bosqichi allaqachon yakunlangan.

Hozirda asosiy maydonni o'rnatish ishlari olib borilmoqda va rekonstruktsiya ishlari belgilangan muddatda yakunlansa, jamoa kuz o'rtalarida yangilangan "Kamp Nou" stadionida to'p tepa boshlaydi.

Birinchi o'yinning aniq sanasi avgust oyida aniqlanadi. Stadion dastlabki o'yinlarda cheklangan sig'imga ega bo'ladi.

Arenani rekonstruktsiya qilish 2022 yilda boshlangan. O'shandan beri "Barsa" uy uchrashuvlarini Lyuis Kompanis nomidagi Olimpiya stadionida o'tkazib keladi.