"Barselona" hujumchisi Robert Levandovskiga Saudiya Arabistoni chempionati vakillari qiziqishda davom etmoqda.

Yaqinda polshalik 37 yoshga to'ldi va joriy mavsum uning uchun "ko'k-anorranglilar" tarkibidagi so'nggisi bo'lishi mumkin. Yulduzli faxriy yozda ham ketishi mumkin edi: Transfer News Live nashrining El Nacional’ga tayanib xabar berishicha, forvard Saudiya Arabistoni klublaridan ikkita katta taklif olgan - ikkala holatda ham gap futbolchining maoshini ikki baravar oshirish haqida borgan.

Robert Levandovski joriy transfer oynasida "Barselona"ni tark etishi dargumon. Uning shartnomasi kelasi yilning o'rtalarida tugaydi, ammo avtomatik ravishda yana bir mavsumga uzaytirilishi mumkin.