"Barselona" bosh murabbiyi Xans-Diter Flik jamoasi uy uchrashuvlarini yana "Kamp Nou"da o'tkazishini kutmoqda.

"Ko'k-anorranglilar"ning o'z maydonlariga qaytishi cho'zilmoqda. Yakshanba kuni kataloniyaliklar "Valensiya"ni bor-yo'g'i 6 ming tomoshabinga mo'ljallangan "Yoan Kroyff" stadionida qabul qildi. Uchrashuv maydon egalarining 6:0 hisobidagi g'alabasi bilan yakunlandi.

"Bu yaxshi stadion, u bizga mos keladi, ammo "Kamp Nou"ga qaytish jamoa, muxlislar va biz murabbiylar uchun katta voqea bo'ladi. O'yinlarni "Kamp Nou"da o'tkazishimizni istayman, lekin buni biz hal qilmaymiz. Vaziyatni qabul qilishimiz va oldinga siljishimiz kerak," - dedi Flik o'yindan keyingi intervyusida.