"Barselona" o'zining rasmiy saytida e'lon joylashtirdi. Unda aytilishicha, Xans-Diter Flik jamoasi Chempionlar ligasi mavsumining ilk uy uchrashuvini "PSJ"ga qarshi Olimpiya stadionida o'tkazadi. Ko'rinib turibdiki, "Kamp Nou" hali o'z eshiklarini ochishga tayyor emas.

"Klub yaqin kelajakda "Kamp Nou"ni ochish uchun zarur ma'muriy ruxsatnomalarni olish bo'yicha faol ishlarni davom ettirmoqda", - deyiladi bayonotda.

Eslatib o'tamiz, "Barselona" o'tgan mavsum uy uchrashuvlarini aynan Olimpiya stadionida o'tkazgan edi. Futbol bo'yicha Chempionlar Ligasi umumiy bosqichining 2-turida "Barselona" va "PSJ" jamoalari 1 oktyabr, chorshanba kuni maydonga tushadi.