Ispaniya chempionatining 10-turidan o'rin olgan "Real" - "Barselona" uchrashuvi yakunlangach, har ikki jamoa futbolchilari o'rtasida janjal boshlandi.

O'yin Madriddagi "Santyago Bernabeu" stadionida bo'lib o'tdi va 2:1 hisobida "qaymoqranglilar"ning g'alabasi bilan yakunlandi. Final hushtagidan so'ng janjal kelib chiqdi, unda "ko'k-anorranglilar" vingeri Rafinya va "Real" hujumchisi Vinisius faol ishtirok etdi.

"Real" ochkolarini 27 taga etkazib, Ispaniya chempionati turnir jadvalida peshqadamlik qilmoqda, "Barselona" 22 ochko bilan ikkinchi o'rinda bormoqda.