Matbuotda vaqti-vaqti bilan "Barselona"ning yulduz forvardi Robert Levandovskining kelajagi haqida mish-mishlar paydo bo'ladi. Avvalroq, matbuot polyakni "Milan" bilan bog'lagan edi. Transfer News Live nashrining Sportitalia’ga tayanib xabar berishicha, Levandovskining yanvarda "rossonerilar" safiga o'tishi dargumon. Gap shundaki, kataloniyaliklar mavsum o'rtasida Robertga o'rinbosar topishi qiyin bo'ladi.

Robert Levandovskining "Barselona" bilan amaldagi shartnomasi 2025/2026 yilgi mavsum oxirigacha mo'ljallangan. Avvalroq, matbuotda 37 yoshli forvardning ustuvor vazifasi "ko'k-anorranglilar" unga yangi shartnoma taklif qilsa, faoliyatini shu erda davom ettirish ekani haqida xabarlar tarqalgan edi.