"Barselona" futbolchisi Pau Kubarsi jamoadoshi Ronald Arauxoning holati haqida fikr bildirdi.

Urugvaylik himoyachi noyabr oyi oxirida klub qarorgohini tark etib, yanvarda qaytgandi. Bu vaqt davomida futbolchi ruhiy salomatligini tikladi.

"Arauxoning qaytganidan juda xursandmiz. U meni kiyinish xonasida birinchilardan bo'lib qabul qildi, men uchun deyarli otamdek edi. Endi u yana futboldan zavq olishi va jamoaga yordam berishi kerak", - dedi Kubarsi Mundo Deportivo nashriga bergan intervyusida.

Yakshanba kuni "ko'k-anorranglilar" o'z maydonida La Liga doirasida "Levante"ga qarshi bahs olib boradi.