"Barselona" yarimhimoyachisi Dani Olmo Chempionlar ligasi g'olibligi uchun kurash haqida gapirdi.

"O'tgan mavsumda Chempionlar Ligasi finaliga juda yaqin edik, ammo u bizdan qochib qutuldi. Bu bizni yanada ko'proq kurashishga va ushbu sovrinni qo'lga kiritishga harakat qilishga undaydi", - deya Olmoning so'zlarini keltiradi Barça Universal.

Eslatib o'tamiz, Chempionlar Ligasining o'tgan mavsumida "Barselona" yarim finalga qadar etib borib, Milanning "Inter" klubiga yutqazgandi (3:3, 3:4).

Joriy mavsumda Hans-Diter Flik shogirdlari umumjamoa hisobida beshinchi o'rinni egallab, to'g'ridan-to'g'ri 1/8 finalga yo'l oldi. Jamoa sakkiz turda 16 ochko to'pladi.