Kataloniyaning «Barselona» klubi Ispaniya chempionati turnir jadvalida peshqadamlikni o'z qo'liga qaytarib oldi — kataloniyalik superklub «Levante»ni 3:0 hisobida mag'lub etdi. «Barsa» ustozi Xansi Flik o'yin yakunlari haqida to'xtalar ekan, jamoasi avvalgi bahslardagi muvaffaqiyatsizliklarga munosib javob qaytara olganini ta'kidladi.

«Ikkita mag'lubiyatdan so'ng ruhiy jihatdan g'alaba qozonish qiyinlashadi, biroq jamoa barcha savollarga juda yaxshi javob qaytardi. Endi dam olishimiz va juda qiyin kechishi kutilayotgan navbatdagi o'yinga bor e'tiborimizni qaratishimiz kerak», — deya Flikning so'zlaridan iqtibos keltiradi klub rasmiy sayti.

Eslatib o'tamiz, «Barselona» Ispaniyaning amaldagi chempioni hisoblanadi.