"Barselona"ning polshalik markaziy hujumchisi Robert Levandovski "ko'k-anorranglilar"ning bo'lajak prezidentlik saylovlari haqida gapirdi.

"Barqarorlik va uzoq muddatli istiqbol "Barselona" uchun juda muhim. Men Joan Laportaga saylovlarda muvaffaqiyat tilayman. Ishonchim komilki, u qoladi va o'z ishini davom ettiradi. Laporta klubni yanada katta g'alabalarga olib boradi", - deya hujumchining so'zlaridan iqtibos keltirdi The Athletic nashri.

Avvalroq "Barselona" prezidentlik saylovlari 15 martga belgilangani haqida xabar berilgan edi. Ispaniya chempionatining 27 ta o'yinidan so'ng, Kataloniya jamoasi 67 ochko to'pladi va turnir jadvalida etakchilik qilmoqda. Xans-Diter Flik shogirdlari "Real"dan to'rt ochko oldinda.