"Barselona"ning tajribali hujumchisi Robert Levandovski faoliyatini Turkiya Superligasida davom ettirishi mumkin. Polshalik yulduzga nisbatan Istanbulning "Beshiktosh" klubi jiddiy qiziqish bildirmoqda.

Turk grandi forvardni o'z safiga qo'shib olish uchun quyidagi moliyaviy paketni tayyorlab qo'ygani aytilmoqda:

Imzo bonusi: 10 million evro (erkin agent sifatida o'tishi uchun);

Yillik maosh: 20 million evro (sof daromad);

Shartnoma muddati: 2 yillik kafolatlangan kelishuv.

Ushbu taklif "Barselona"ning moliyaviy imkoniyatlaridan ancha jozibaliroq ko'rinmoqda. Xususan, kataloniyaliklar joriy yilning 30 iyunidan keyin futbolchiga bunday yuqori maosh to'lay olmasliklari mumkinligi xabar qilinmoqda.

Agar transfer amalga oshsa, 37 yoshli Levandovski Turkiya chempionatining eng ko'p maosh oluvchi yulduzlaridan biriga aylanadi.