"Barselona" bosh murabbiyi Xans-Diter Flik Chempionlar Ligasi 1/8 finali doirasida "Nyukasl"ga qarshi kutilayotgan uchrashuv haqida gapirdi.

"Bizni qiyin o'yin kutmoqda. "Nyukasl" jismoniy jihatdan juda kuchli va hujumga o'tishda juda tezkor jamoa. Biz ideal o'yin o'tkazishimiz kerak — aynan shunga harakat qilamiz. Ishonch bilan o'ynash juda muhim. Bo'sh zonalarni izlashimiz lozim. Biz buni tahlil qildik va mashg'ulotlarda ustida ishladik.

Bu futbol, unda ko'p narsa o'zgarib ketishi mumkin. Biz ijobiy kayfiyatda bo'lishimiz kerak, chunki tarkibimiz juda sifatli. Chempionlar Ligasida g'olib chiqa olamizmi yoki yo'q — buni vaqt ko'rsatadi", — dedi Flik jurnalistlarga.