«Barselona» hujumchisi Robert Levandovski Chempionlar ligasi o'yinida dublga erishgan tarixdagi eng yoshi katta futbolchiga aylandi.

Polyak forvardi EChL 1/8 finali doirasida «Nyukasl»ga qarshi kechgan bahsda (7:2) ikkita gol urdi. Bugungi kunda 37 yoshu 209 kunlik bo'lgan Robert bu ko'rsatkich bo'yicha afsonaviy Filippo Indzagini ortda qoldirdi.

Shuningdek, Levandovski turnirning pley-off bosqichida gol urgan eng yoshi katta futbolchi sifatida ham rekord o'rnatdi.

Tarixda faqat bir nafar futbolchi bundan ham kattaroq yoshda dubl qayd etgan, biroq bu holat 1965 yilda, turnir hali Evropa chempionlari kubogi deb atalgan vaqtda yuz bergan. O'shanda Ferents Pushkash 38 yoshida «Real» safida dubl muallifi bo'lgan edi.