"Barselona" bosh murabbiyi Xans-Diter Flik himoyachi Joau Kanseluning kelajagi haqida gapirishni istamadi. Qishda "ko'k-anorranglilar" Kanseluni "Al-Hilol"dan mavsum yakunigacha ijaraga olgan edi.

"Men kelajak haqida gapirishni xohlamayman. Kanselu terma jamoalar tanaffusi vaqtida Meksika va AQShda o'ynadi va ortga uzoq parvozni amalga oshirdi. Yaqinda u juda og'ir o'yin o'tkazdi. U ajoyib sifatga ega va bizga katta yordam bermoqda", — dedi Flik matbuot anjumanida.

Shuni qo'shimcha qilish kerakki, 31 yoshli Joau Kanselu nufuzli Transfermarkt portali mutaxassislari tomonidan 9 million evroga baholanmoqda.