Kataloniyaning «Barselona» jamoasi Ispaniya chempionatining navbatdagi turida «Xetafe»ni mag'lub etib, raqib darvozasiga javobsiz ikkita to'p kiritdi. Natijada, 33-turdan so'ng kataloniyaliklar hisobidagi ochkolar soni 85 taga etdi. Butun chempionat davomida «Barselona» bor-yo'g'i 14 ochko yo'qotdi xolos: imkoni bo'lgan 99 ochkodan 85 tasini qo'lga kiritdi — 28 g'alaba, bir durang va to'rt mag'lubiyat.

«Barselona» chempionatning ushbu bosqichida bundan yaxshiroq natijani faqat bir marta qayd etgan — Xosep Gvardiola kataloniyaliklar boshqaruvida o'z faoliyatining cho'qqisiga chiqqan 2010/2011 yilgi mavsumda jamoa 33 ta o'yindan so'ng 88 ochko jamg'argan edi.

Navbatdagi uchrashuvda «Barsa» Pamplonada mahalliy «Osasuna» mehmoni bo'ladi.