«Bornmut» hujumchisi Eli Junior Krupi «Barselona»ning transfer maqsadiga aylanishi mumkin. Markaziy hujumchi chizig'ini kuchaytirish payida bo'lgan Kataloniya grandi 19 yoshli futbolchini diqqat bilan kuzatib bormoqda.

Frantsiyalik iqtidorga ingliz grandlari tomonidan ham qiziqish borligi aytilmoqda. «Bornmut» o'z yulduzi bilan xayrlashishni istamayapti, shu sababli uning uchun taxminan 100 mln evro talab qilishi mumkin. Transfermarkt portali ekspertlari Krupining bozor qiymatini 40 mln evroga baholamoqda.

Yakunlangan mavsumda hujumchi Premer-ligada «Bornmut» safida 33 ta o'yinda maydonga tushib, 13 ta gol urishga muvaffaq bo'ldi. Avvalroq futbolchining o'zi ham «Barselona»da o'ynashni orzu qilishi haqida xabarlar tarqalgan edi.