«Barselona» va Ispaniya terma jamoasining 18 yoshli hujumchisi Lamin Yamal Jahon chempionati – 2026 startiga qadar tiklanishga ulguradi. Bu haqda Mundo Deportivo nashri xabar bermoqda.

Manbaning ma'lumotlariga ko'ra, Yamal Peruga qarshi bo'lajak o'rtoqlik uchrashuvida maydonga tushmaydi, biroq Ispaniya terma jamoasi rahbariyati u Kabo-Verdega qarshi kechadigan Jahon chempionatining ilk o'yiniga tayyor bo'lishini kutmoqda.

Peruga qarshi nazorat bahsi ispanlar uchun mundialga tayyorgarlik jarayonidagi so'nggi o'yin bo'ladi. Uchrashuv 9 iyun kuni bo'lib o'tadi.

JCh-2026 guruh bosqichi 1-turidan o'rin olgan Ispaniya – Kabo-Verde uchrashuvi esa 15 iyun kuni o'tkaziladi. Qayd etish lozimki, bu Yamal uchun faoliyatidagi debyut mundial hisoblanadi.