Bugungi eng muhim o‘yinlar haqida.
Bir necha kunlik tanaffusdan so‘ng, klublar yana ligalardagi o‘yinlarini boshlashga kirishishmoqda. Jumladan, terma jamoalarning o‘yinlaridan keyin, O‘zbekiston Superligasining 22-turi ham bugun start oladi. Sayyoramizning bgungi eng qiziqarli o‘yinlarini e’tiboringizga havola etamiz.
"Kardiff" - "Sheffild Uensdey"
Angliya chempionshipining juda qiziqarli to‘qnashuvi bo‘lib o‘tadi. Ushbu ligada bir qator klublar deyarli teng kuchga ega ekanligi bilan hattoki eng kuchli ligalardan ham ajralib turadi. O‘tgan mavsum APLni tark etgan "Kardiff" yana yuqoriga ko‘tarilish uchun harakat qilmoqda. "Sheffild Uensdey" klubi bir necha yildurki liganing yuqori o‘rinlarini egallab kelmoqda, ammo har safar APL yo‘llanmasini beruvchi o‘rinlarni egallashda biroz omad etishmayapti. Ko‘ramiz, bugun qay bir jamoa g‘alaba qozonarkan.
"Al Ahli" - "Al Taavon"
Saudiya Arabistonining ikki kuchli jamoasi o‘zaro bahs olib boradi. Arab diyorining kuchli jamalari o‘zaro bellashuv olib boradigan o‘yinlar doim qiziqari kechgan. Chempionlar Ligasi yo‘llanmasi uchun kurashadigan klublarning o‘zaro to‘qnashuvi Saudiya Arabistoni chempionatining 7-turida markaziy uchrashuv hisoblanadi.
"Galatasaroy" - "Sivasspor"
Turkiya Superligasi 8-turining eng markaziy uchrashuvi. "Galatasaroy" haqida ortiqcha ta’rif berish shart emas, shundoq ham, bu jamoani futbol muxlislari juda yaxshi bilishadi. "Sivasspor" esa so‘nggi yillarda kuchli jamoaga aylanib oldi. Chempinatning etakchi klublariga raqobatlik qilib kelmoqda.
Joriy mavsumda ham 7 ta turdan so‘ng, ikkinchi pog‘onani egallab turishibdi. Agar bugun ushbu jamoa g‘alabani qo‘lga kiritib olsa, o‘z o‘rnini mustahkam egallab oladi va hattoki, birinchi o‘ringa ham ko‘tarilib olishi mumkin.
"Ayntraxt" - "Bayer"
Germaniya Bundesligasining qiziqarli uchrashuvi bo‘lib o‘tadi. O‘tgan mavsum barchani hayratga solgan "Ayntraxt" klubi bu safar ham yomon o‘ynamayapti. "Bayer" jamoasi o‘z imijiga mos o‘yin namoyish etishda davom etib kelmoqda. Liganing grandlaridan keyingi ikki kuchli jamoa hisoblanuvchi "Ayntraxt" va "Bayer" klublari to‘qnashuvi keskin va kurashlarga boy bo‘lishi kutilmoqda.
"Nitstsa" - PSJ
Bir qarashda, parijliklar g‘alaba qozonishi ma’lumdek. Yulduzli tarkibga ega bo‘lgan jamoaning har bir o‘yiniga katta qiziqishlar bilan oshno bo‘ladiganlar er yuzida millionlab topiladi. Bugun ularga oson bo‘lmasligini tahmin qilish mumkin. Sababi, jamoa avvalgi yilardek osonlikcha g‘alabalarga erishmayapti. Gohida omad kulib boqmoqda, gohida esa Neymarning so‘nggi daqiqalarda urib ketayotgan gollari jamoaga g‘alaba keltirmoqda. Boz ustiga, 2 bor mag‘lubiyatga uchrashga ham ulgurishdi. "Nitstsa" esa doim g‘alabani ko‘zlab maydonga tushadigan jamoa hisoblanadi va bugun ushbu klub o‘z uyida o‘ynaydi.