“Barcelona” kiperi Neto oyog'idan jarohat olib, nomalum muddatga safdan chiqdi, deya xabar beradi kataloniyaliklar rasmiy sayti.

Darvozabon Ispaniya Kubogi 1/16 bosqichi doirasida “Ibica”ga (2:1) qarshi bo'lib o'tgan safardagi uchrashuvda jamoadoshi Kleman Langle bilan to'qnashib ketishi oqibatida jarohatlangan. 

30 yoshli braziliyalik darvozabon joriy mavsum La Liga'da bitta o'yinda qatnashdi va o'z postidan 2ta gol o'tkazib yubordi. Uning klub bilan amaldagi shartnomasi esa 2023 yilga qadar mo'ljallangan.