“Barselona” posboni Mark-Andre ter SHtegenning tan olishicha, jamoadoshlari yangi murabbiyning yangi talablariga mavsum o'rtasida moslashishlari oson kechmayapti.
“Bizdan nimani talab qilayotgan bo'lishsa, asta-sekinlik bilan o'sha vazifalarni bajarishga kirishayapmiz. Biz uning falsafasini hurmat qilamiz va uning qarashlari bo'yicha o'yin ko'rsatmoqdamiz. Mavsum o'rtasida yangi talablarni qisqa vaqt ichida bajarish oson ish emas. O'ylashimcha, to'g'ri yo'ldamiz va ijobiy natijalarni qo'lga kiritayapmiz” ,deya ter SHtegenning so'zlaridan iqtibos keltirmoqda Marca nashri.
Eslatib o'tamiz, Kike Seten yanvarda “ Barselona” bilan 2022 yilning 30 iyuniga qadar amalda bo'ladigan shartnomaga imzo chekkan.