«PSJ» hujumchisi Neymar o'zining sobiq jamoasi — «Barselona» ustidan sudga murojaat qildi.
Braziliyalik futbolchi "ko'k-anorranglilar"dan 6,5 million evro undirishni ko'zlamoqda. Neymarning fikricha, u "Barsa" tomonidan bo'lgan soxta shartnomalar tufayli shuncha pul yo'qotgan. Bu haqda "El Mundo" xabar tarqatdi.
Bu Neymar tomonidan «Barselona» ustidan qilingan uchinchi shikoyat bo'ldi. Umumiy hisobda uning kataloniyaliklardan undirishni maqsad qilgan mablag'i miqdori 36,8 million evroga etdi.
«Barselona» esa Neymar tomonidan talab qilingan 6,5 million evro miqdoridagi pulni bu safar ham to'lamoqchi emas.